الأربعاء، 9 ديسمبر 2009

تلاكيك..




وانا اللى كنت طالعه بيك فوق فى السما
وكنت فاكره انك الطيب وانا المتمكنه
وانك هتخطفلى نجمه من سابع سما
ورسمتلى البحر طحينه وقولت هيكدب ليه
منا هنا (فى قلبه) وهو اقسم
انما
ظروفه كانت اقوى من حبنا
تلاكيك بتطلع وقت الجد
لكن هيروح فين من ربنا
ده مسيره يعرف انى احن واطيب من جوايا انا
لكن بساطتى صورتله ان كل حاجه عندى ممكنه
ووقوفى جنبه ودعائى ليه عند ربنا
منا مش هرجع اللى فات
لان الدنيا مش حنينه
لكن هتعلم وهعيش عالذكريات
مهو كله بيبيع الا انا
منا مستنتش من الدنيا غير رضا ربنا
ده هو اللى خالقنى وعارف اد ايه الدنيا كانت قاسيه معايا
بس رضيت باللى قسمهولى لانه اعلم باللى جوا كل واحد مننا.

الاثنين، 7 ديسمبر 2009

انا والكمامه....








ده مش اسم فيلم ولا حتى مسلسل ده موقف حصلى ويمكن يكون حصلك يا سلام على الشعب المصرى لما يكون رايق وفايق وساعات كمان لما يكون مش رايق والله الناس بئت فاضيه بدرجه غير عاديه او ممكن من (الغلب) اللى الناس فيه

بس والله من كام شهر كده كنت قريت فى الجورنال وركز على الجورنال دى:) قال خير اللهم اجعله خير عملوا احصائيه واثبتوا ان نسبه سعاده الشعب فى مصر 85% !!!!!!!!


حد يضربنى بالقلم كده ويقولها تانى 85 ايه ازاى يعنى ده على اساس اننا عايشين فى (شومبونجو) واللى ميعرفهاش دى البلد اللى كانت بتيجى فى اعلان "موبينيل" بتاع الواد الرخم(عمو عمو هى الشبكه القديمه راحت فين) مع ان المفروض السؤال يكون كالتالى(عمو عمو هو الشعب المصرى راح فين)؟؟

وساعتها قولت يمكن تكون الاحصائيات اتعملت على الطبقه الغنيه او الطبقه الميته (اللى ادفنوا يعنى ومظنش انهم سعداء برضه) ده مش ممكن ده اكيد امال لو اتعملت فى الطبقه المتوسطه كانت هتكون كام والا الفقيره ده ساعتها ممكن السعاده تحزن على حال الطبقه الفقيره.


يعنى خلاص سبنا(البطاله_الفقر_الطلاق_الفساد_التلوث_ الدم الملوث والاف قضايا القتل_ بلاش اكمل لحسن جالى اكتئاب) ومسكنا فى السعاده طيب والنبى بالله عليكوا هنكون سعداء ليه خلاص الفلوس والراحه النفسيه والشغل مقطعين بعضهم ده اللى مصبرنا ربنا والنبى مش عالم فاضيه.



ما علينا نرجع لمرجوعنا انا عارفه انى برغى كتير اوى؟!

انفلونزا الخنازير يا معلم كلنا كل يوم بنقرأ حالات وفيات وحالات اصابه وعارفين ان فى الشتاء نسبه الاصابه بتزيد ولو جبت اى عيل فى اولى اعدادى هيقولك كده وبرضه عارفين ان لما بيجلنا اى برد عادى وبناخد نفس المضاد الحيوى او المسكن او ادويه البرد باستمرار بيحصل للجسم مناعه منها ولازم نغير النوع عشان يجيب نتيجه او ناخد حاجه اقوى كلنا طبعا عارفين ده!!!

بس الدكاتره و وزاره الصحه لسه متعرفش ده كأنهم اتفاجئوا ان عقار(التاميفلو) مبئاش يعمل حاجه وان الوباء بيطور نفسه وبئا اقوى ولسه هيدرسوا ده...لا تعليق برضه...ارحمنا يارب.


والغريب ان لما ناقشوا الموضوع ده فى مجلس الشعب كان كل عضو يقوم يقول احصائيه غير التانى عن عدد الوفيات وعدد المصابين طيب ماكانوا اتفقوا مع بعض على االاقل على الرقم:) والاغرب ان محدش علق برضه ما علينا.

موضوعى بئا انى
انهارده اتجننت فى عقلى ونزلت اشترى شويه حاجات مع ان الدنيا كانت مطر جامد بس فجاءه الجو اتعدل انا مستغربتش لان كل حاجه بتحصل فجاءه(قادر على كل شىء يارب).


نزلت ولبست الكمامه او كما يطلقون عليه(الماسك) مع انى اصلا مبحبش انزل الشارع من ساعه ما سبت شغلى بسبب الناس (المتطفله_الحشريه_الرخمه_الغتيته) اللى بتعد تغتت عليك لحد متكره نفسك بس كنت مضطره وقولت يمكن تكون الناس اتغيرت بسبب الوباء اللى انتشر والوفيات بما ان ( الموت عظه) لكن على مين ده انا لئيت كميه ناس اضعاف اللى كنت بشوفهم قبل الوباء .


وحسيت انى بالكمامه دى(عامله مصيبه) اللى(يهوهو) جنبى واللى يقولى (يا فيرس) واللى (يعطس متعمد) حسيت انى شويه وحد هيرميلى (عضمه) او هجرى ورا حد (واعضه) على اساس انى (كلب) ولا مؤاخذه من الاخر حسيت احساس اول مره احسه فى حياتى(انى كلب جربان_او كلب بلدى ديله مقطوع) واللى يبصلى جامد ويضحك اه بجد كل ده حصل فى الساعه اللى نزلتها.


وساعتها افتكرت موقف اختى حكتهولى وهى رايحه شغلها ان كان الدنيا زحمه جدا فولد قال للراجل افتح الشباك عشان الزحمه وانفلونزا الخنازير فرد عليه(انفلونزا خنازير ايه دى خزعبلات مفيش حاجه اسمها انفلونزا خنازير ده بيضحكوا عليكوا) والكلمه نزلت على اختى كالصاعقه للدرجه دى وصل بينا الجهل لأنكار وباء عالمى وحط تحت عالمى دى مليون خط. والله هم يبكى وهم يضحك .

الحمدلله وصلت على اول شارعنا وداخله الشارع اهو وماشيه دخلت السوبر ماركت اللى جنبنا فسألنى الراجل الى جواه هو للدرجه دى انفلونزا الخنازير انتشرت رديت وقولتله(لا دى خزعبلات) ودى كانت حكايتى مع الكمامه فى ظل انتشار انفلونوا الخنازير.. يا معلم.

الاثنين، 30 نوفمبر 2009

زعلانه اوى..




لآ تتخيل كل النـآس ملآئكـه .. فتنهــآر أحلامكـ ..

ولآ تجعـل ثقتكـ بالنـآس عميــآء .. لآنكـ ستبكي ذآت يوم على سذآجتكـ .

الأربعاء، 4 نوفمبر 2009

مجنون ليلى




حاله كنت اعيشها على مدار 15 يوم
مع كل حلقه من حلقات مسلسل (مجنون ليلى) التى لم تتعد ال15 يوم
كل يوم كانت بمثابه اكتشاف جديد لنفسى
كل يوم كنت اشعر انى مختلفه
كانت مشاعرى تعود الى سابق عهدها واقوى مما كانت
ليلى التى لم يكن الطلاق بالنسبه اليها نهايه المطاف ولكنها كانت تحسبه كذلك
ليلى التى غيرت وتغيرت وغيرتنى معها بدون ان تعلم
كنت اشعر بها..ابكى معها..افكرمعها
حاله كنت اعيشها والفرق اننى تاثرت بها بطريقه ايجابيه
لم اعطى ليلى حقها ولا مجنون ليلى
ولكن كم المشاعر جعلنى افكر بطريقه مختلفه
هذه الحلقات جعلتنى اعود الى نفسى
من الصعب عندما يتغير الانسان فى سنوات ويكتسب صفات جديده تسيطر على تفكيره وطريقه تعامله مع من حوله
ويعود مثلما كان او اقرب مما كان فى 15 يوم
معادله صعبه ولكنه حدث معى
بدات ابحث داخل نفسى عما فقدته فى السنوات الماضيه وبدات اشعر ان الحياه القادمه هى كل ما املك فلابد ان اعيد ترتيب اوراقى حتى اشعر بطعم كل لحظه تمر فى عمرى
اهدى كل تحياتى لليلى ومجنونها
واتمنى ان ما حدث معى يحدث لكثيرين غيرى

الثلاثاء، 23 يونيو 2009

جمعيه منع "البوس"...مطلوب متطوعيين




طبيب مصرى يعلن انشاء جمعية لمنع البوس بين الأزواج


خبر على موقع مصراوى والطريف فيه تعليقات القراء



في تقليعة جديدة لا يعرف أحد الهدف منها أعلن دكتور عادل عاشور أستاذ


طب الأطفال بكلية الطب جامعة القاهرة عن رغبته في انشاء جمعية لمنع


القبلات بين الأصدقاء و زاد على ذلك بإعلان رغبته في منع القبلات بين


الأزواج و هو الأمر الذي بدا غريبا وفجر المناقشات داخل المجتمع


المصري


و عن السبب الرئيسي في طرحه فكرة إنشاء الجمعية أكد دكتور عادل أن


كافة الأبحاث العلمية التي نشرت في كبرى المجلات الطبية العالمية


أجمعت على الأضرار الطبية الخطيرة التي يسببها تبادل القبلات من خلال


انتشار العدوى من الأمراض الخطيرة الفيروسية و الميكروبية وأبرزها


الأمراض الجلدية و يأتى على رأسها حب الشباب و من الأمراض الميكروبية


مثل مجموعة الميكروبات العنقودية و هي ميكروبات موجودة في فم الإنسان


بصورة طبيعية


كذلك الحمى الشوكية و الأمراض الفيروسية التي تنقلها القبلة أيضا مثل


الزكام و الرشح والتي يجب عدم الاستهانة بها حيث قد تصيب الخلايا


المبطنة لخلايا ا لمخ و ينتج عنها ارتفاع شديد في درجة الحرارة يصعب


السيطرة عليها و قد تؤدى الى الوفاة في بعض الأحيان أيضا التهاب الغدة


النكفية و كذلك الحصبة الرمادية و الألمانية و الفيروسات الكبدية و


أكد أن الجمعية تضم في عضويتها كافة التخصصات الطبية لشرح الآثار


السيئة للقبلة


وعن رأى الدين في أهداف هذه الجمعية أكد الدكتور إسماعيل معروف بجامعة


الأزهر أن تعاليم الدين الأسلامى تحرم القبلة في غير الإطار


الزوجي وقد أكد العلم على وجود إضرار جسيمة لذلك


وعن أراء المواطنين حول هذة الجمعية المزمع إنشاءها تنوعت الآراء بين


الرفض و القبول هدى محمد طالبة بكلية العلام وصفت الإعلان عن الجمعية


بأنه كوميدي و لا يهدف سوى الى لفت النظر الى القائمين عليها إذ افتقد


الإعلان عن منع القبلات الأساليب التي سوف تتبع للتأكد من حدوث هذا


المنع



التعليقات


> >


> > هذا كلام فاسد و باطل بدون تردد ، و معارض لصحيح السنة النبوية ، فقد


> > ثبت أن النبي صلى الله عليه و سلم كان يقبل زوجاته ، و كان يقبل


> > السيدة فاطمة و الحسن و الحسين رضي الله عن الجميع ، و أفتى للشيخ


> > بالقبلة في الصيام .


> > أنصح الدكتور أن يبيع لب و يبطل تخاريف .


> > ــــــــــــــــــــــــــــــــــــــــــــــــــ ــــــــــــــــــــــــــ


> > وانا اقول الرئيس البوسنى مات ليه؟؟


> > ــــــــــــــــــــــــــــــــــــــــــــــــــ ـــــــــ


> > واحد يحرم البوسة بين الأزواج ، وواحد يحلل إن الواحدة ترضع زميلها ،


> > ما ترسونا على بر نرضع وما نبوسش ولا نبوس وما نرضعش


> > ــــــــــــــــــــــــــــــــــــــــــــــــــ ـــــــــــــــــــــــــــــــــــــ


> > الدكتور ده اكيد معندوش شفايف


> > ــــــــــــــــــــــــــــــــــــــــــــــــــ ــــــــــــــــــــــــ


> > كل حاجة بقت مشكوك فيها وبتجيب امراض حتى البووووس اظاهر كل واحد


> > حيروح يبوس نفسة فى المراايا


> > ــــــــــــــــــــــــــــــــــــــــــــــــــ ـــــــــــــــــــ


> > روح شوف العيش المسرطن ولا الشيبسى ولاالمياه المجارى ولا الخضروات


> > المسرطنه والهرمونات ولالالالالا وبعدين اتكلم على البوس


> > ــــــــــــــــــــــــــــــــــــــــــــــــــ ـــــــــــــــــــــــــــــــــــ


> > فعلا فعلا الدكتور ده يستاهل بوسه ف بؤه مش بوسه واحده لا


> > ده يستاهل 80مليون بوسه من 80 مليون بوووؤ عشان تجيله كل الامراض اللى


> > ف الدنيا


> > ــــــــــــــــــــــــــــــــــــــــــــــــــ ــــــــــــ


> > نحن جمعية هنبوس هنبوس حتى لو البوس بفلوس وياريت الدكتووووور


> > يجى يبوس الواوا


> > ــــــــــــــــــــــــــــــــــــــــــــــــــ ـــــــــــــــــــــــــــــــــــ


> > الحياة من غير بوس زي قوله من غير مايه


> > ــــــــــــــــــــــــــــــــــــــــــــــــــ ــــــــــــــــــــــــــــــــــــــــ


> > مش عارف اقول أية مش كفاية مش لاقين نتجوز كمان اللى مجوزين مش


> > حايبوسوا طب دة نسمية أية ؟؟؟؟؟؟؟؟؟؟؟؟


> > ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ ــــــــــــــــ


> > اليوم تقليعة البوس ينقل الامراض الجلدية وبكرة لاتلمس جسد زوجتك لمنع


> > انتشار الامراض الجلدية وبعد غدا يستحسن ابادة صنف النساء انكم تسعون


> > لتحريم الحلال(واضح ان البوس عامل مشكلةللدكتور)اقولك حاجةاعمل زي


> > اللمبي بلغ لجنة حروق الانسان


> > ــــــــــــــــــــــــــــــــــــــــــــــــــ ــــــــــــــــ


> > طيب ولما رغيف العيش يقع على الارض اجيبه وابوسه ولا غلط


> > يا حلاوة على العلم واللي بيتعلموه


> > واحب اقول لسعادة الدكتورة الفاضل ادرسلك حاجة تنفعك احسن وسيب الناس


> > تبوس ياعم وبلاش وساوس


> > ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ


> > لقد صدر اخر التعديلات الستورية وهي منع البووووووووس نهاءي نظرا


> > لانتشار الامراض و قد نفذ حتي علي الازواج ما عدا كل ما هو وطنيييي و


> > يعتبر ممارسيه نوع جديد من الارهاب و يسمي الاخوان البايسين طبعا لا


> > ينفذ علي الحكومة لانهم مبيدات


> > ــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ


> > انا عايزه اطمن الدكتور ده واقوله انه ولله الحمد معظم الازواج فى مصر


> > مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز


> > وندفع دم قلبنا ولاد وبنات علشان نبوس !! ايه المسخره ديه !!!


> > ــــــــــــــــــــــــــــــــــــــــــــــــــ ــــــــــــــــــــــــــــــــــــــــ


> > يعنى لو واحدة اسمها بوسى تغيرة ويبقى متبوسيش بس كدة اتحلت خلاص


> > مع تحيات شركه متبوسيشى لانسر


> > يا عم بوس اية اللى عايز تمنعة؟؟


> > ــــــــــــــــــــــــــــــــــــــــــــــــــ ـــــــــــــــــــــــــــــ


> > دة الواحد بيبقى لسة سايب صاحبة من ربع ساعة يشوفة يقوم نازل فية


> > بوس..بوس اخوى طبعا..وكمان عايز تمنعة بين


> > الازواج...لا دة كدة الواحد يلحق يتجوز قبل ميبقى قرار ويتناقش فى


> > مجلس الشغب


> > ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ


> > يعني بوس الواوا دح


> > ــــــــــــــــــــــــــــــــــــــــــــــــــ ـــــــــــــــــــــــــــــــ


> > على رأى الفنان محمد رضا:مش هنبوس بقى


> > ــــــــــــــــــــــــــــــــــــــــــــــــــ ــــــــــــــــــــــــــــــــــــــ


> > ممكن كل واحد قبل ما يبوس البت بتاعته يتمضمض بمحلول 'البيتادين'ويدهن


> > شفايفه بردو بمحلول 'البيتادين'وبعد ميخلص البوسه يتف تلات مرات ويشرب


> > كباية ....أكيد 'بيتادين'... ربنا يشفيكم

الأحد، 21 يونيو 2009

بيتنا..






انتظرك حبيبى كل ليله عند دقات الثانيه..بعد منتصف الليل

لأعلن لك حبى ..كل ليله

انام واستيقظ لانتظرك..لا افعل شىء غير الدعاء والانتظار

اتمنى ان ياتى اليوم الذى انتظرك فيه ولكن..فى بيتنا الصغير

ان انتظرك وانا احمل طفلتنا المدلـله ..انتظرك وانا مطمئنه

انتظرك فى مكان يحمل فى كل جوانبه وبين طياته رائحتك

وعلى كل حوائطه صورك

فى مكان
لا انتمى الا اليه
ولم اتمنى ان يكون فيه غيرك

وان لا احمل بداخلى شىء اخر الا منك

انتظرك

فانا منك اليك...

الخميس، 18 يونيو 2009

احساس "الطرقعه"









احساس الطرقعه ده احساس جامد جدا..يعنى ايه من الاخركده لمابتكون مبسوط اوى اوى وعايز تكون مجنون وتعمل كل حاجه مطرقعه تيجى فى بالك


ده تعريف بسيط "للطرقعه":) وفى برضه نوع تانى من "الطرقعه" وهو لما تظبط حبيبك بكلمتين فى عضمه بالادب والذوق ده لو غلط لاسمح الله


المهم انك فى الاخر" بطرقعله"


من الاخر كده لماتكون ماشى فى الشارع وتفتكر موقف وتضحك وانت اصلا ماشى لوحدك لدرجه ان واحد معدى يبصلك ويشاورلك انت مجنون والا ايه!!!! كنت الاول بتكسف وكنت بعمل نفسى بتكلم فى التليفون عشان اعرف اضحك براحتى بس دلوقتى اول مابحس بحاجه بعملها ولمابفتكر حاجه بفضل اضحك حتى لو كل الناس هتشاورلى انى مجنونه:)


والا لما يحصل موقف ادامى ويكون مضحك ولو حد وقع ادامى على الارض كانت بتنتابنى نوبه وهستريا الضحك لدرجه انى بضحك على نفسى لما بقع على الارض:)


وافتكرت انى فى مره كنت فى العجمى مع صاحبتى "بسمه" وكنا ماشيين على البحر وبسمه بتكمل كلامها وملئتنيش جنبها :) لانى كنت وقعت فى الحفره الى بسمه عدتها بمترين تقريبا وبرضه اعدنا نضحك كتير اوى مع ان الموقف ده حصل من سنتين بس بضحك عليه ضحك هستيرى لحد دلوقتى
والا لما اكون مكلمتش واحده من صحباتى من كتير اوى واكلمها فجاءه الفجر عشان اقولها انها وحشتنى اوى وانى مفتقداها بجد مع انى كان ممكن اكلمها فى اى وقت تانى غير الفجر.
والا لماكون بضحك مع اصحابى وفجاءه اقلب وشى وممكن اعيط ومعرفش ليه بعمل كده :)

ساعات بحس انى عايزه اعمل حاجات مجنونه جدا يعنى بفكر انى لماحب بجد ان حبيبى يجيلى تحت البلكونه ويحدفلى ورده وانى كمان اروحله واقوله ادام الناس انى بحبه اوى:)


احاسيس كتير واكيد ناس كتير بتحسها بس مش كتير بيعملوا الحاجات الى بتيجى فى بالهم مع ان لو عملنا الى بنحس بيه حياتنا هتتغير على الاقل هنكسر الروتين


لسه الموضوع مخلصش ولسه هسال اصحابى..انت بتفكر فى ايه لما بتكون "مطرقع"؟.




الأربعاء، 17 يونيو 2009

واسطه لكل مواطن..


ساقنى حظى العثر ان تنتهى بطاقتى الشخصيه فى نفس العام الذى صدر فيه قرار تجديدها كل 7 سنوات
فى البدايه توقعت انها صدفه ولكن توالت الصدف بل (البلاوى) :)
ذهبت انا وامى وابى الى "مصلحه الاحوال المدنيه" لتجديد بطاقتى انا وامى حتى لا تقع على غرامه لانتهائها مثلما اوضح لى ابى واستكمل حديثه ان المشكله ليست مشكله "غرامه" ولكن لابد من اتباع النظام والتعليمات و..و..و. فى الوقت الذى وقع نظرى على مواطن يلقى ببعض الاوراق على الارض والاخر يتلفظ بالفاظ نابيه لمن "كسر عليه الاشاره"
كنا قد وصلنا الى السجل المدنى وقابلنا شخص يدعى "عم ابراهيم" وهو جاء بناء على صديق شخصى لابى على سبيل "الواسطه" لانجاز الوقت وذهبت انا وامى معه وذهب ابى ليجد مكان خاص لايقاف سيارته
فى البدايه كان تقديم الاستمارات لشخص ما وهو المسئؤل عن الامضاء عليها وعندما نظرت على الطابور الذى يكاد ينتهى عند مقدمه السلم حمدت الله كثيرا على "عم ابراهيم" ولكن لم نسلم من نظرات الواقفين فى الطابور وارى فى اعينهم عبارات مثل"هو انتى احسن مننا فى ايه" "متتنيلى وتوقفى زيك زينا" ولكنى تجاهلت تلك العبارات التى قرأتها فى اعينهم ولم اسمعها قط :)

ورايت فى عين "الظابط" نفس الاستنكار العجيب وكانه على وشك القول "وماله الطابور ياختى انتى وهى " ولكن" الواسطه "منعته من قول ذلك:)

وبعدما خرجنا من مكتب ذلك "الظابط" ذهبنا الى اخر طلب من امى صوره البطاقه وعندما حان دورى طلب منى "اصل شهاده التخرج
"opps"
هكذا نطقتها وانا اشتعل غيظا من الموقف فانا احضرت كل اوراقى بما فيهم اوراق لا صله لها بالبطاقه ولكنى احضرت صوره للشهاده وليس الاصل واستكمل الموظف كلامه انه يريدها للاطلاع عليها فقط فنظرت نظره استنكار فى الوقت الذى كان فيه يبحث "عم ابراهيم " عن حل لتلك المشكله ولكن لم تقنع "الواسطه" ذلك الموظف بان يخالف ضميره المهنى... على الرغم
من احترامى له كثيرا الا اننى رددت داخلى "ده على اساس انى هزور شهاده لكليه تجاره طيب دى تجاره يا عم يعنى الواحد يزور هندسه والا طب حتى "التفت الى طريق العوده وانا اجر اذيال الخيبه ومعى امى طبعا كما وصفتها "حظها جامد جدا"

وابى كما وصفنى "حظك ماله كده" فاقنعته ان كل شىء نصيب وطالما "عم ابراهيم "سوف يحضر غدا ليساعدنى فى رحله تجديد بطاقتى فلا خوف من الوقت والطوابير

وانا اجلس فى السياره تذكرت كم طبيب زور شهادته المهنيه والجامعيه وكانت مختومه وا صل وليست بصوره ولم يكتشف احد ذلك الى الان

"بلد شهادات" ترددت داخلى كثيرا وحاولت ان افسر ما يحدث من فساد وتزوير واختلاسات

وحمدت الله كثيرا اننى لم اكون طرف فيها

وحمدت الله كثيرا انها توقفت على شهاده تخرجى

وانه لم يردد لى "فوتى علينا بكره"

ولم تنتهى الرحله بعد..........


الأحد، 26 أبريل 2009

من روائع جبران خليل جبران


من روائع جبران خليل جبران

البعض نحبهم
لكن لا نقترب منهم ........ فهم في البعد أحلى
وهم في البعد أرقى .... وهم في البعد أغلى

والبعض نحبهم
ونسعى كي نقترب منهم
ونتقاسم تفاصيل الحياة معهم
ويؤلمنا الابتعاد عنهم
ويصعب علينا تصور الحياة حين تخلو منهم.

والبعض نحبهم
ونتمنى أن نعيش حكاية جميله معهم
ونفتعل الصدف لكي نلتقي بهم
ونختلق الأسباب كي نراهم
ونعيش في الخيال أكثر من الواقع معهم


والبعض نحبهم
لكن بيننا وبين أنفسنا فقط
فنصمت برغم الم الصمت
فلا نجاهر بحبهم حتى لهم لان العوائق كثيرة
والعواقب مخيفه ومن الأفضل لنا ولهم أن تبقى
الأبواب بيننا وبينهم مغلقه...

والبعض نحبهم
فنملأ الأرض بحبهم ونحدث الدنيا عنهم
ونثرثر بهم في كل الأوقات
ونحتاج إلى وجودهم .....كالماء ..والهواء
ونختنق في غيابهم أو الابتعاد عنهم

والبعض نحبهم
لأننا لا نجد سواهم
وحاجتنا إلى الحب تدفعنا نحوهم
فالأيام تمضي
والعمر ينقضي
والزمن لا يقف
ويرعبنا بأن نبقى بلا رفيق

والبعض نحبهم
لان مثلهم لا يستحق سوى الحب
ولا نملك أمامهم سوى أن نحب
فنتعلم منهم أشياء جميله
ونرمم معهم أشياء كثيرة
ونعيد طلاء الحياة من جديد
ونسعى صادقين كي نمنحهم بعض السعادة

والبعض نحبهم
لكننا لا نجد صدى لهذا الحب في
قلوبهــم
فننهار و ننكسر
و نتخبط في حكايات فاشلة
فلا نكرههم
ولا ننساهم
ولا نحب سواهم
ونعود نبكيهم بعد كل محاوله فاشلة

.. والبعض نحبهم ..

.. ويبقى فقط أن يحبوننا..
.. مثلما نحبهم













السبت، 25 أبريل 2009

الجمعة، 10 أبريل 2009

عندما التقيتك......

عندما التقيتك.....
لم اتذكر وقتها كم عانيت فى حبى وتماديت فى عشقى.....ولكنى كنت خائفه....ان اتذكر....عذرا ...كذبت عندما اخبرتك بذلك...
فانا مازلت خائفه ان ابدأ من جديد.....ان اعيش لحظات كالتى مرت على
خائفه...ان اكون انا...تلك المرأه
حاله..
اعيشها الان... كلما التقيتك....
اشعر بالحنين الى ما كان...اشعر بالحنين اليك..الى نفسى...الى ان اكون معك كما كنت.
اريد ان احتضنك وبقوه .....ان اظل بداخلك........الى ان التقيك ثانيه
فانا الان بداخلى امرأه لا تستحى ان تعبر عن مشاعرها حتى لو اخطأت التعبير
شعور يسيطير على الان...حاله تنتابنى كلما سمعت صوتك
ولكنه يقل تدريجيا عندما افكر...لماذا انت هنا؟
اهو نصيب كما اخبرتنى ام هى حاله وستزول بمرور الوقت مثلما يحدث دائما؟
لا اريد التفكير فى ذلك الان...فانا سعيده معك...انت من يمنحنى قوه السعاده....احيانا
واحيانا كثيره مشتته ما بين ذاك وتلك...مابين كان وما ينبغى ان يكون....
ساترك كل ذلك جانبا حتى اكون على اتم الاستعداد ان اواجه مخاوفى....وتواجهنى بما داخلك....اتمنى ذلك







الخميس، 9 أبريل 2009

دعنى افكر......







السبت، 31 يناير 2009

بلا هويه.....







السبت، 17 يناير 2009

فليرتاح ضميرى الان.........





سأغفو وانا مطمئنه..سـأنام وانا مرتاحه

كنت ارى نفسى بلا ضمير

كنت أستغفر عن كل خطياى التى لم ارتكبها بعد

وكان يسيطر هذا الاحساس على دائما

فكنت احاسب نفسى على ما لاافعله

واؤنب ضميرى على ماليس لى بى ذنب

كنت كذلك ولن استمر

لاننى فعلت مابوسعى لارضاء من حولى ولكن لم يرضينى احد حتى من وراء قلبه

فلا اريد ان اخسر نفسى واتوه منها

انا احب نفسى وسافعل مايرضيها ويرضى ربى..........

السبت، 10 يناير 2009

ايها المخادع...........


ايها المخادع...
ماذا تنتظر الان................
ان استمر معك كمان كان................سنه كامله قضيناها كنت على امل ان تخبرنى بما سكت عنه لسانك وتكلم الان...
كنت ارسم حلمى معك بالالوان
فان لم اره حقيقه بشعه بل رأيته حلم انسان...
يوشك ان يولد ولم ادرى انه سيظل فى طى الكتمان.............
حلم طفله مع رجل انانى لا يملك غير الكذب واتقان الحب والحنان........
سأصمت للابد فستظل فى نظرى المخادع الجبان...
ولكن فى نظر الناس ستكشف هويتك لتصبح بقايا انسان..............

الخميس، 1 يناير 2009

تائهه من نفسى.......

تائهه من نفسى.....لاأعرف اين انا الان....لا اعرف الى اين اذهب.....
عقلى توقف عن التفكير....ولكن قلبى مازال ينبض...
ولكنى مازلت تائهه....الى متى سأظل كذلك...