الجمعة، 11 يناير 2008

الحب تحت المطر




امبارح الجو كانت تحفه والمطر كانت كتير اوى

كنت حاسه بمشاعر كتير

كنت حاسه انى بحب

بحس

كنت عايزه انزل فى الوقت ده من البيت واجرى تحت المطر

مش بقولكم مشاعر مختلفه

ساعتها مش عارفه ليه افتكرت رباعيه من روائع جاهين


ليه يا حبيبي اللي مابينا دايما سفر
ده البعد ذنب كبير لا يغتفر
ليه يا حبيبي اللي مابينا دايما بحور
واعدي البحر الاقي غيره اتحفر.....


اكيد طبعا بدلت حبيبتى بحبيبى:)

وافتكرت برده وقتها رائعه الحب تحت المطر لنجيب محفوظ

للاسف امبارح وقت المطر كتبت كلامى ده بس كله اتمسح:(

كل سنه وانتم طيبين ومصر كلها مطر واحساس وحب ومشاعر مختلفه:)

الاثنين، 7 يناير 2008

سنه جت..سنه راحت..سنه عليها العوض




فى اللحظه الى كل الناس بتحتفل ببدايه سنه جديده وبتعد تنازلى كنت انا بصلى فى اللحظه دى وبدعى ربنا وبفكر هبتدى 2008 ازاى ياترى هعمل نفس الحاجات الى كنت بعملها قبل كده نفس التفكير والتصرفات يبئا مش هتقدم خطوه واحده والا هحاولاغير من نفسى



الله اعلم يمكن 2008 تكون اخر سنه ليا ويمكن تكون بدايه لسنه جديده



كل ده كنت بفكر فيه يوم 31-12-2007



كان يوم بالنسبه لى منتظر لانى كان لازم افكر فى كل ده



انتهى اليوم برسايل منى لاصحابى ومنهم ليا



وانا زى مانا



وسنه رايحه وسنه جايه وسنه عليها العوض:)



كل سنه وانتم طيبين

خليها على الله




مش عارفه يمكن انهارده زى اى يوم عادى محصلش جديد بس حاسه انى عايزه اكتب بس مش عارفه هكتب ايه جوايا كتير بس مش على لسانى وده حال كل الناس الى زييى بس كنت فى مكان مع اصحابى وسبتهم اول ماسمعت اغنيه خليها على الله لئتنى فى عالم تانى اول ما سمعت


"بنسى عذابى وشكوتى لما أفضفض ليه وانده عليه فى وحدتى قبل الندا الاقيه "


بجد حسيت انى فى عالم تانى بس كان عالم حلو اوى وكنت حابه انى احط كلمات الاغنيه لانها اكتر من روعه واثرت فيا اوى






يااللى أنت خليت السما بالشمس بتنور


وهلال بيتحول قمر سبحان من صور أنت اللى


عارف نيتى وبرحمتك عارفاك


مطرح ما عينى تلتفت فى كل شئ شايفاك


فى فرحة اللى مصلى الفرض


فى سجدة المؤمن على الأرض


فى رضاكى عنى يا أمى اللى محلى الحياة


فى نصيحة أبويا ليا خليها على الله


بدوب فى حبى لربنا ومحبته عبادة


النية صافية وجمبها سبحة وسجاده


بنسى عذابى وشكوتى لما أفضفض ليه


وانده عليه فى وحدتى قبل الندا الاقيه


فى فرحة اللى مصلى الفرض فى سجدة المؤمن على الأرض


يااللى انت اقربلى منى عمرك ما كنت


بعيد الكون ده كله يمكن


..... وانت بس اللى أكيد


يارب بحق ما شقيت لموسى جوا البحر طريق بحق ما رزقت مريم ميه تبل الريق بحق ما حفظت يونس جوا فى بطن الحوت بحق ما نجدت إبراهيم من اللهب والموت بحق يوسف الأمين على تلال المال بحق أيوب ما صبر صبره يهز جبال ترزقنى ضى فى سكتى وكتابى باليمين وتصلى على سيدنا النبى أمام المرسلين عليه أفضل الصلاة والسلام.