فعلا كان عندى حاله ملل قبل ماروح معرض الكتاب وكنت مكتئبه جدا امبارح بس كنت عارفه ان اخر يوم للمعرض يوم الاثنين المهم انى
اخترت كتب لذيذه اوى من دار الشروق وانا بختارها وبسال ولد من المسئولين عن البيع قالى انتى متفائله اوى وفرحتينى اول مره حد يجيلى ويختار كتب مفرحه كده ده كل الى اشترى منى جابلى اكتئاب
قولت للدرجه دى الشعب بئا محبط كده
وكمان بيوصل ده للناس
حمدت ربنا ان الولد مخدش عنى فكره غير انى متفائله وخرجت من المكان وانا ببتسم ليه عشان ميغيرش رأيه فيا
كنت على اتم استعداد انى اقرأ كل الكتب دى وانا فى الشارع بس قولت عيب وتعالى على نفسك وتماسكى شويه
قابلت حنان صاحبتى وروحنا مع بعض واعدنا نحكى اد ايه الناس بئت مكتئبه وان لازم نغير حياتنا
واعدنا ناخد فكره عن الكتب الى اشترتها
ومنها
كتاب كابتن مصر لعمر طاهر
وبجد كتاب روعه وخلصته فى يوم
وطبعا روايه شيكاجو للاسوانى بس لسه مكملتهاش
وكتب كتير لنجيب محفوظ وبلال فضل ويوسف معاطى وفاروق جويده
وربنا يعينى واخلصهم كلهم
بجد المعرض يستاهل ان نروح كل يوم
وكل معرض وانتوا طيبين