الثلاثاء، 16 يناير 2007

كان حلم




هو فعلا كان حلم بس كان حلم جميل اوى عشان مش عايزه حد يقاطعنى فى كلامى يمكن كنت غلط لما ابتديت احلم واصدق الحلم يمكن حاجات كتير بس الاكيد انى حبيته بجد.... بس ساعات بتحصل حاجات كتير بتغير كل حاجه فى اقل من لحظه وهو ده الى حصل مع حلمى اقصد الى كان حلم
اتعرفت عليه ووكانت صدفه غريبه 25_8_2005 يمكن فى الاول رفضته كتير بس الى حصل اننا حبينا بعض ده الى كنت بقنع بيه نفسى عشان متجننش انا بحبه وهو الله اعلم مشى وساب كل حاجه واخد سره وحلمى معاه مش عارفه انا دلوقتى ازاى بس عايشه وهكمل لانه مش هيرجع ولو رجع مش هكون موجوده لانه محبنيش
كنت بتمنى الزمن يرجع سنه كنت هعمل كتير ومكنتش هحبه دى اول حاجه كنت هعملها لانى لحد دلوقتى مش متخيله نفسى مع حد غيره بس ابتديت افوق من الحلم او الصدمه فعلا مكنتش بنام وصعب اوى يكون حد بالنسبالك الهوا الى بتتنفسه وانت تكون عنده ولا حاجه والمصيبه انه بيقنعك عكس كده انا متاكده انه حبنى فى لحظه بس لحظاتى كانت اكتر منه معرفش ايه الى هيحصل بعد كده
بس اناعايزه اقوله انى بحبك بجد ومش عارفه انساك
وكان حلم

كنت استمع الا هذا الحديث وانا فى المترو
وكان حديث فتاه لاخرى وكنت اتعجب من صمت الثانيه لدقائف طويله دون التحدث بكلمه ولكنها كانت تطيل النظر لصديقتها حزنا عليها او غدرا بها لا اعرف ولازلت لا افهم تلك النظره الغريبه
التى كانت فى عينيها....
محدش يفهمنى غلط مش برمى ودنى بس كلام يستاهل انى اكتبه
قلبى معاها بجد
اكيد كلامها بدون ترتيب بس الى قدرت اكتبه

سنه اولى مدونه




وكان حلما"

وتبكين حباً .. مضى عنكِ يوماً وسافر عنكِ لدنيا المحال لقد كان حلماً .. وهل في الحياةِ سوى الوهم - ياطفلتي- والخيال ؟ وما العمر يا أطهر الناسِ إلا سحابةُ صيفٍ كثيف الظلال وتبكين حباً .. طواه الخريف وكل الذي بيننا للزوال فمن قال في العمر شيء يدومُ تذوب الأماني ويبقى السؤال لماذا أتيت إذا كان حلمي غداً سوف يصبح.. بعض الرمال ؟